利物浦周中踢完歐聯，又要急急腳應付聯賽。 今晚英超壓陣戰，兩支於周中完成歐聯賽事嘅球隊對碰，利物浦主場鬥紐卡素。「紅軍」今季聯賽於晏菲路出擊，反而顯得畏首畏尾，怕輸心態明顯，尤其上半場踢得非常穩陣，紐卡素作客攻力亦打折扣，預料會先穩住後防，1.5球半場細值得一試。（Now 621及611周日凌晨4時直播）文:渡邊年 利物浦近5場聯賽只得4和1負，對手仲要唔係勁，上場畀般尼茅夫絕殺輸2比3，之前對般尼都只係1比1，近8次聯賽主場，有7次半場開1球或以下，今場相信仍會先穩住防線，再伺機爭勝。 喜鵲作客守強攻弱 「喜鵲」紐卡素聯賽作客表現一般，尤其於進攻上欠缺積極，作客11戰只入10球，僅比新特蘭及狼隊多，好彩球隊失波唔算多，作客失球數字排第3少，今場將會同利物浦展開拉鋸戰，半場細值捧。