沙特職頭場賽事，伊蒂法克主場迎戰達馬克FC，伊蒂法克雖然近況一般，但仍然係前領集團其中之一，對下游球隊甚少失手，「魚腩」達馬克FC近8場未贏過，當中近4場作客1和3負，今場輸波機會極高，主勝值得買入。 （on.cc東網周五晚11時直播） 伊蒂法克有荷蘭國腳韋拿杜姆領軍，呢位35歲中場仍然當銳，今季交出11球3助攻，係球隊首席射手，包括上輪贏艾塔亞文1比0，亦係靠佢一箭定江山奠勝，再睇球隊現時排第7，雖然爭標機會不大，但總算係前領集團之一，同中游球隊拉開一段距離，今場對榜下游嘅達馬克FC，贏波冇問題。 達馬克多大敗博埋讓主 另邊廂，達馬克FC近8場3和5負，就連作客尼奧姆SC同卡赫利呢兩支中游球隊，都以大比數落敗，今場對住實力更強嘅伊蒂法克，輸波絕對係意料中事，進取嘅朋友可以考慮捧埋讓球主勝（-1）。