今晚直播早場戲碼，有艾沙比對吉達艾阿里。吉達艾阿里正追趕希拉爾同艾納斯，場場都係關鍵，遇弱旅肯定全力搶W，球隊近10場聯賽9勝1和，熱捧客勝。 （on.cc東網周五晚9時55分直播）文:渡邊年 艾沙比鋒線冇料到 艾沙比一直於下游徘徊，主因係攻力疲弱，聯賽20戰只入19球，場均入波唔夠1球，淨係睇近5場就有3場未能取得入球，對住前中後場都星味十足嘅吉達艾阿里，相信都好難入到波。 吉達艾阿里周中亞冠盃，同阿爾華達互交白券，多名球星如艾雲東尼、馬列斯、基爾斯及門將伊度亞文迪都只係落場輕舒腳頭，喺提早出線情況下，寓賽於操，保持作戰狀態。事實上吉達艾阿里喺聯賽表現勇猛，近10場聯賽9勝1和，和波一役就係作客榜首希拉爾踢成0比0，今場對艾沙比可謂實食無黐牙，客勝必捧。