歐聯附：寸王化身財神派利是 賓菲加下盤德心應手_東方日報

今日新正頭球迷有眼福，歐聯附加賽賓菲加主場迎戰皇家馬德里。聯賽階段煞科一戰結果歷歷在目，摩連奴領軍嘅賓菲加4比2打沉「銀河艦隊」奇迹出線，震驚球壇，今晚附加賽首回合冤家又碰頭，賓菲加挾近8次主場不敗出擊，皇馬亦要先避其鋒，主隊受讓半一相當筍，捧下盤一本萬利。（Now 643周三凌晨4時直播）文:邪神

研究今場之前，相信好多球迷都會重溫之前兩隊交手經典一幕：賓菲加喺領先3比2下，由於得失球未夠數，主帥摩連奴指示門將杜賓最後一刻上前博一博，結果真係畀佢頂入，令球隊搭上附加賽尾班車，同時亦將皇馬拉出前8名之外，呢場波足以載入史冊，列為歐聯轉制後「大奇迹」之一。

「銀河艦隊」作客先求穩陣
皇馬近7場錄得6勝1負，偏偏喺最唔應該輸嗰場不敵賓菲加，搞到跌落歐聯附加賽。不過佢哋近期作客確實差啲，近4場作客輸2場，除咗輸畀賓菲加，西班牙盃亦爆冷被阿爾巴塞特踢出局，有過上次不愉快經歷，今場仲有魯爾阿辛斯奧同洛迪高高斯停賽，預計主帥艾比路亞痛定思痛，會打番穩陣波，等次回合先解決對手。

賓菲加近期喺「寸王」調教下打番起，近5場4勝1和，近8次主場更錄得6勝2和不敗，當中近6次主場全部贏晒，球員信心爆晒棚，上次對「銀河艦隊」不但毫無懼色，仲夠膽壓上去搶攻，今晚主場受讓下盤可謂超筍；另外仲推介同場過關「兩隊均取得入球 & 賓菲加勝或和 & 開出總角球多於[9.5]球」，隨時兩瓣贏晒過肥年，祝大家新一年買乜中乜、名利雙收。