澳職：士氣正盛食住上 阿聯搶分大吉大利_東方日報

周五澳職賽事，阿德萊德聯主場鬥珀斯光輝。阿德萊德聯上輪贏出關鍵一戰，士氣大振，仍然有力挑戰常規賽冠軍寶座，主場出擊肯定搶韁。珀斯光輝要為季後賽資格搏命，佢哋一向踢得進取，今場唔會龜縮，3.5球入球大係信心保證。

（無綫82台周五下午4時35分直播）文:工廠仔

阿德萊德聯近況不穩，但上輪喺前列大戰，作客2比1反勝FC悉尼，表現明顯提升唔少，尤其中場線有養傷多時嘅艾拉基治復出，攻守效率大大提升；老將賴恩基圖嘅入波，亦證明球隊有能力「消化」阿奇葛雲受傷嘅影響，全隊依家士氣高昂，主場必定乘勝搶攻。

光輝擅攻經常有波入
珀斯光輝依家排第9位，要搶季後賽資格，剩低賽事場場都會當決賽咁踢，雖然佢哋近況麻麻，今年7場聯賽只係贏過兩場，但珀斯光輝整體攻擊力唔弱，今年只得1場比賽入唔到波，要搶分就要靠最拿手嘅進攻博一鋪，作客都唔會坐以待斃。睇番兩隊之前6次交手，經常都係大手交易，當中5場總入球開4球或以上，今場預期又係入球激戰，捧大盤穩陣！