今輪英超重頭戲，熱刺主場迎戰阿仙奴，兩隊各有目標，熱刺為護級而戰，阿仙奴則力爭錦標，預料今仗「北倫敦打吡」勢將寸土必爭，火花四濺。文:謝德謙 熱刺雖然喺歐洲賽場表現尚算不俗，但對上一次於聯賽贏波已經係上年12月29日，目前僅以少許優勢徘徊降班區之上。前主帥法蘭克離任後，由杜陀擔任臨時領隊，佢喺賽前透露球隊傷兵情況嚴重，曾出現訓練時僅約13名一隊球員可用嘅困境。 爭標護級關鍵之戰 至於阿仙奴近期表現起伏，先後被賓福特及狼隊逼和，埋門把握力下降成為隱憂，面對密集防守時，邊路突破質素與禁區內終結效率有所回落。主帥阿迪達賽前表示，要改善關鍵時刻嘅穩定性問題，並強調全隊專注喺今場打吡大戰。 呢場「北倫敦打吡」將影響兩軍本季走勢──熱刺護級形勢能否喘穩一口氣，阿仙奴爭冠步伐會否受阻，球迷拭目以待。