賽前報料：巴塞主場復仇去「馬」

軍情

巴塞隆拿主力中堅艾利加西亞上仗西盃領紅牌被逐，今場停賽，其位置將由朗奴阿拿奧祖頂上擔正，守力可以維持。中場馬克卡沙度與前鋒費倫托利斯同場西盃表現低迷，名將柏迪今場有望重返正選，而新星馬克貝拿爾亦可候命，為中場線加強創造力。老將射手羅拔利雲度夫斯基都有望擔正，提升入球能力。

馬德里體育會在西盃會以二號門將祖安梅素擔正把關，此子上仗西盃表現穩健。老將前鋒基沙文近期狀態不俗，同場都有進帳，今場會與祖利安艾華利斯合組雙箭頭攻堅。經驗不足的中堅馬克佩比爾該仗表現尚可，但今場作客魯營球場，將受巨大考驗。

巴塞隆拿
受傷：基達斯基斯坦臣（後衛）、加維（中場）
停賽：艾利加西亞（後衛）

馬德里體育會
受傷：柏保路巴里奧斯（中場）、尼高拉斯干沙利斯（中場）
停賽：／

近況

巴塞隆拿上仗西盃竟吞馬德里體育會4蛋，今場次回合要反先晉級，必會大舉進攻；整體實力其實會有一定優勢，返回地頭會見真章，夠決心可以睇高一線。馬德里體育會近期表現其實稍嫌飄忽，近年對賽也未見優勢；可幸首回合踢出超水準，如今形勢大好，主帥施蒙尼今場會回復鐵血防守戰術，只求不要大敗，預計巴塞隆拿有力憑地利贏波。

往績

雙方近4次交手，巴塞隆拿3勝1負；馬德里體育會上次勝4比0，上次交手角球13個。