蘇足盃：冤家碰頭格流和波好路_東方日報

蘇足盃8強冠軍前哨戰，格拉斯哥流浪硬撼些路迪合演「老字號打吡」。今仗係呢對「歡喜冤家」今季第5次交手，7日前聯賽先至踢成2比2，累積今季4次交手，法定時間3次平分秋色，今場盃賽一場過，有理由相信打和機會好大，3.45倍和波值得一試。（周日晚9時開賽）文:路西法

先睇吓25/26球季雙方交手情況，舊年8月聯賽首度對撼互交白卷，到12月聯賽盃4強，法定時間踢成1比1，些路迪加時連入2球以3比1贏波，今年1月聯賽次循環格流作客贏3比1，3月頭踢第3循環就2比2平手。

老字號打吡吼埋大盤
由於蘇超帶頭嘅赫斯已經出局，流浪同些路迪邊隊晉級就好大機會奪標。流浪近7仗不敗，當中4場係和波；至於些路迪要兼顧歐霸附加賽，近7仗只得4勝1和2負，雙方都有一定入波能力，流浪近5仗有4次開4球或以上，除咗和波之外，亦可以兼顧3.5球入球大。