阿甲：颶風隊遇惡客半和頂住先_東方日報

聽朝早餐直播波阿甲，颶風隊主場鬥巴拉卡斯中央。論近況巴拉卡斯中央相當對辦，近4場3勝1和，3場勝仗都贏2比1，今場大有反客為主之勢；颶風隊近期防守都唔弱，近7場5次開半場和，至少頂到初段，一於捧半場和。（HOY TV 76台周二早上8時13分直播）文:邪神

巴拉卡斯中央小心至上
兩隊今季成績相差唔遠，不過巴拉卡斯中央近況實在出色，先後擊敗堤格雷、利華達維亞獨立同圖庫曼體育會，賽和小阿根廷人，4場攻入7球，由7位唔同球員射入，可見攻擊點眾多，但同時亦場場有失波，估計今場都會小心至上。

客隊咁猛料，主場嘅颶風隊自然要加強防守，佢哋近況確實唔夠對手好，近5場1勝2和2負，當中3場冇波入，唯一勝仗係主場3比1擊敗貝格拉諾。好彩颶風隊防守唔差，近7場有4場冇失波，當中5場開半和，有4次為0比0，今場有條件照辦煮碗，只要唔大意嘅話，半場應該頂得住，半場和乃不二之選。